Nobilis Montisferratensis Bononiae institutus, per triginta sex annos episcopus Aquensis, bona sua paroeciis dioecesis donavit, ecclesiam cathedralem aedificavit et monasterium ad puellas educandas condidit.
Guido circa annum 1004 Melatii, prope Aquas Statiellas, ex nobili familia natus est. Orbatus, a villico eiusque uxore educatus est, qui eum Bononiam ad studia ab anno 1019 ad 1029 miserunt.
Aquas reversus, anno 1034 episcopus electus est. Castellum et bona sua ecclesiis paroecialibus dioecesis donavit et novas condidit, monasterium Sanctae Mariae de Campis ad puellas educandas instituit et ecclesiam cathedralem amplificari curavit, quam Assumptioni Virginis dedicavit.
Die 2 Iunii anni 1070, post triginta sex annos episcopatus, obiit. Corpus eius in arca marmorea ecclesiae cathedralis Aquensis requiescit. Urbis et dioecesis patronus est.












