BD✠

Beatus Didacus Kagayama Hayato et socii

Primus consiliarius dicionis Kokurensis, martyr

Samurai in castello Iusti Takayama Ukon natus, primus consiliarius Hosokawarum Kokurae factus, anno 1619 capite truncatus; consobrinus eius Balthasar et parvus eius filius Didacus eodem die Hiji mortui sunt.

Anno 1566 in castello Takatsuki natus, Didacus Kagayama Hayato Iusto Takayama Ukon servit, deinde, eo in exsilium acto, daimyō Hosokawa Tadaoki, qui eum primum consiliarium (karō) dicionis suae Kokurensis facit. Christianus professus, Ecclesiam localem sub moderatione patris Gregorii de Céspedes animat. Missionariis anno 1611 e dicione expulsis, fidem suam servat: munere privatus, per biennium pauperrime sub custodia domi vivit, omnes oratione sua aedificans.

Shogunum timens, Tadaoki eum necari iubet: extra Kokuram die 15 Octobris 1619, usque ad extremum orans, capite truncatur. Eodem die consobrinus eius Balthasar Kagayama Hanzaemon eiusque filius Didacus, quinque annos natus, Hiji, in Bungo, necantur. Filia eius Miya, uxor Ogasawara Gen'ya, cum tota familia sua Kumamoti anno 1636 martyrium patietur.