
Sororum Scalabrinianarum conditrix, plus quam quinquaginta annos liberis emigrantium Italorum Sancti Pauli in Brasilia devovit.
In Tuscia nata, Assumpta Marchetti anno 1895 cum fratre suo, patre Iosepho Marchetti, Sanctum Paulum in Brasilia proficiscitur, vocante episcopo Ioanne Baptista Scalabrini, emigrantium apostolo. Ibi cum eo Sorores Missionarias Sancti Caroli Borromaei condit.
Orphanotrophium Christophori Columbi regit, quod liberos immigrantium mortuorum vel derelictos excipit, aegrotos curat et congregationis antistita generalis fit. Sancti Pauli anno 1948 obit et in eadem urbe anno 2014 beata declaratur.











