Canonicus Croata et duo Iesuitae, Polonus et Hungarus, Cassoviae morte affecti quod fidem catholicam abnegare recusaverant.
Mense Septembri anni 1619, ineunte bello triginta annorum, copiae principis Transsilvaniae Gabrielis Bethlen Cassoviam ceperunt. Tres ibi sacerdotes comprehensi sunt: canonicus Croata Marcus Crisinus (Križin) et Iesuitae Melchior Grodziecki, Silesius, et Stephanus Pongrácz, Hungarus.
Iussi fidem abiurare, tormentis non obstantibus recusaverunt et die 7 Septembris anni 1619 morte affecti sunt. Anno 1905 inter Beatos relati, a Ioanne Paulo II Cassoviae anno 1995 in Sanctorum numerum adscripti sunt.











