Paula Frassinetti
Sancta Paula Frassinetti
Conditrix Sororum a Sancta Dorothea
Genuensis, soror sacerdotis Iosephi Frassinetti, Quinti Sorores a Sancta Dorothea condidit, puellarum pauperum educatrices, easque usque in Lusitaniam et Brasiliam propagavit.
Paula Frassinetti Genuae anno 1809 nata est, unica filia familiae cuius filii sacerdotes evasuri erant. Novem annos nata matre orbata, domum curavit. Infirmae valetudinis, ad fratrem suum Iosephum, parochum Quinti ad Mare, missa est, ubi puellas ad eas instituendas congregavit.
Anno 1834 Quinti cum paucis sociis congregationem Filiarum a Sancta Fide condidit, quae deinde Opus Sanctae Dorotheae adoptavit, consociationem catecheticam inter puellas a sacerdote Luca Passi institutam, et nomen Sororum a Sancta Dorothea assumpsit. Anno 1841 Romam vocata, ibi domum generalitiam constituit et scholas in Italia, Lusitania et Brasilia aperuit. Romae die 11 Iunii anni 1882 obiit. Ioannes Paulus II eam anno 1984 in Sanctorum numerum rettulit.





