Effigies: Sancta Maria Rosa Molas

Maria Rosa Molas

Sancta Maria Rosa Molas

Conditrix Sororum Dominae Nostrae a Consolatione

Soror hospitalaria Redduni deinde Dertosae, Sorores Dominae Nostrae a Consolatione condidit ut aegrotis, infantibus derelictis et scholis serviret.

Redduni anno 1815 nata, Maria Rosa Molas y Vallvé anno 1841, patre invito, communitatem sororum a caritate ingressa est quae valetudinario urbis suae inserviebat. Anno 1844, cum Reddunum a copiis Zurbano ducis bombardaretur, obsidentibus obviam processit ut causam populi oraret.

Anno 1849 Dertosam missa, ad valetudinarium Sanctae Crucis, deinde ad domum infantium expositorum, communitatem suam nullo vinculo canonico teneri comperit; cum aliquot sororibus se episcopi auctoritati subiecit et anno 1858 Sorores Dominae Nostrae a Consolatione condidit, aegrotis, orbis et institutioni deditas. Dertosae die 11 Iunii anni 1876 obiit. Ioannes Paulus II eam anno 1988 in Sanctorum numerum rettulit.