Effigies: Sancta Maria Iosepha Sancho de Guerra

Sancta Maria Iosepha Sancho de Guerra

Conditrix Ancillarum Iesu a Caritate

Prima sancta in Vasconia nata, Flavioniobrigae congregationem sororum condidit quae aegrotos domi et in valetudinariis curant.

Victoriaci anno 1842 nata et a matre educata, Maria Iosepha Sancho de Guerra inter vitam contemplativam et activam haesitavit. Matriti Ancillas Mariae ingressa est, a sancta Soledad Torres Acosta conditas ut aegroti domi curarentur, sed, de instituti ratione dissentiens, cum tribus sociis id reliquit.

Die 25 Iulii anni 1871 Flavioniobrigae (Bilbao) Ancillas Iesu a Caritate condidit, quae aegrotis domi, nocte et die, in valetudinariis et hospitiis adsistunt. Congregationem per quadraginta unum annos rexit, plus quam quadraginta domos aperiens, quamvis morbus eam extremis annis lecto affigeret. Flavioniobrigae die 20 Martii anni 1912 mortua, anno 1992 Beata renuntiata et a Ioanne Paulo II die 1 Octobris anni 2000 in Sanctorum numerum relata est.