BM✠

Beatus Matthaeus Prennushi

Minister provincialis Franciscanorum, martyr

Franciscanus Scodrensis, parochus et guardianus de Gjuhadol, minister provincialis Fratrum Minorum Albaniae cum communistae advenerunt, anno 1948 cum Francisco Gjini episcopo glandibus traiectus.

Scodrae anno 1881 natus, Paulus Prennushi Fratres Minores sub nomine Matthaei ingressus est, Schwaz, Caldarii et Graecii studuit et anno 1904 sacerdos ordinatus est. Parochus in septentrionali regionis parte, guardianus conventus de Gjuhadol et definitor, Tiranae ab anno 1941 ad annum 1943 ministerium exercuit, deinde patrem Antonium Harapi, ad regentiam vocatum, ut delegatus provincialis substituit; inde ab anno 1944 minister provincialis fuit.

Scodrae die 15 Novembris anni 1946 comprehensus et in carcerem coniectus, die 8 Ianuarii anni 1948 capitis damnatus et die 11 Martii anni 1948 cum confratre suo Cypriano Nika et Francisco Gjini episcopo glandibus traiectus est.