Seminario suppresso secreto institutus, anno 1961 ab Ernesto Çoba episcopo ordinatus, anno 1969 glandibus traiectus est, quo tempore Albania se civitatem atheam declaraverat.
Anno 1933 in loco Samrish prope Dajç natus, Marinus Shkurti sub regimine communistarum crevit. Seminario Pontificio suppresso, privatim ad sacerdotium se paravit, duce parocho suo ac deinde archiepiscopo Ernesto Çoba, qui eum die 8 Decembris anni 1961 una cum Michaele Beltoja sacerdotem ordinavit.
Omnibus ecclesiis anno 1967 clausis, ministerium suum clam exercere perrexit. Scodrae die 27 Novembris anni 1968 comprehensus et in loco Dajç iudicatus, die 20 Martii anni 1969 capitis damnatus et mense Aprili anni 1969 glandibus traiectus est.

















