Effigies: Beatus Gregorius Lakota

Beatus Gregorius Lakota

Episcopus auxiliaris Premisliensis, martyr Gulagi

Rector seminarii deinde episcopus auxiliaris eparchiae Graeco-Catholicae Premisliensis, a Sovieticis deportatus et in campo Abez, prope Vorkutam, anno 1950 mortuus.

Die 31 Ianuarii anni 1883 Holodivkae, hodie Zadnistriany, prope Leopolim, natus, Gregorius Lakota Premisliae anno 1908 sacerdos ordinatus est et anno 1911 doctoratum theologiae Vindobonae adeptus est. Professor deinde rector seminarii Graeco-Catholici Premisliensis, anno 1926 episcopus auxiliaris eparchiae nominatus est et praesertim decreta synodorum eius edidit.

A NKVD die 9 Iunii anni 1946 comprehensus, ad decem annos campi damnatus et in rem publicam Komiensem deportatus est. Petrus Leoni, Iesuita Italus, concaptivus eius, testatur eum labores durissimos sibi sumpsisse ut ceteros sublevaret. Die 12 Novembris anni 1950 in campo Abez, prope Vorkutam, obiit. Ioannes Paulus II eum Leopoli die 27 Iunii anni 2001 beatificavit.