Ioannes a Sancta Martha
Beatus Ioannes a Sancta Martha
Franciscanus Catalaunus, musicus, martyr Kyotensis
Franciscanus Pratensis, magister musicae in insulis Philippinis deinde missionarius Fushimi, Kyoti post tres annos carceris capite plexus.
Pratis, in Catalaunia, anno 1578 natus, Ioannes a Sancta Martha puer cantor in ecclesia cathedrali Caesaraugustana est, ubi linguam Latinam et musicam discit, deinde cantor Zamorae; sacerdos ordinatus, Franciscanos ingreditur. Anno 1606 in insulas Philippinas advectus, Lumbangi scholam musicae aperit quae plus quam quadringentos discipulos numerat. Anno 1607 in Iaponiam transit et superior missionis Fushimi, prope Kyotum, fit.
Edicto anni 1614 expulsus, clam redit, Iaponico habitu indutus, et dicionem Arima et Ōmura peragrat. Anno 1615 comprehensus, Kyoti in carcerem coicitur; libertas ei offertur si praedicare desinat, sed recusat. Post tres annos captivitatis et tormentorum, Kyoti die 16 augusti 1618 capite plectitur. Anno 1867 beatus declaratur.




