BB✠

Beatus Bruno Lemarchand

Monachus Tibhirinensis, domus Fessanae superior

Olim collegii moderator, deinde Trappensis, domui Fessanae praepositus, Tibhirinae ad electionem prioris aderat cum cum fratribus suis abductus est.

Christianus Lemarchand die 1 Martii anni 1930 apud Sanctum Maxentium, in provincia Deux-Sèvres, natus est. Post militiam in Algeria actam, die 2 Aprilis anni 1956 sacerdos ordinatus est et docuit, deinde per viginti quattuor annos collegium Sancti Caroli Toarcense rexit. Die 1 Martii anni 1981 abbatiam Bellifontanam nomine fratris Brunonis ingressus est.

Post primam Tibhirinae commorationem anno 1984, eo anno 1989 rediit et die 21 Martii anni 1990 vota sollemnia nuncupavit. Deinde domui adiunctae quam communitas Fessae, in Marocco, aperuerat praepositus est. Tibhirinam ad electionem prioris die 31 Martii anni 1996 statutam profectus, nocte inter diem 26 et 27 Martii cum sex fratribus abductus et cum eis occisus est. Orani die 8 Decembris anni 2018 beatificatus est.

Semper laetor de vita mea monastica eaque in terra Islamica degenda. Omnia simpliciora fiunt. Hic Nazareth est cum Iesu, Maria et Ioseph…
— Epistula mensis Decembris anni 1995