
Michael de Aozaraza
Sanctus Michael de Aozaraza
Dominicanus Oñatiensis, missionarius Bataanensis, martyr
Dominicanus Vasco, missionarius in provincia Bataanensi, qui cum expeditione anni 1636 in Iaponiam profectus est ibique atrocissima tormenta laetus suscepit.
Mense Februario anni 1598 Oñatii in Guipuscoa natus, Michael González de Aozaraza Ordinem Praedicatorum in provincia Hispaniae ingressus est, deinde ad provinciam Sanctissimi Rosarii transiit. In insulis Philippinis missionarius fuit in regione Bataanensi, in insula Luzonia.
Anno 1636 cum Antonio González, Guillelmo Courtet, Vincentio Shiwozuka, Laurentio Ruiz et Lazaro Meacensi navem in Iaponiam conscendit. In insula Okinawa comprehensus et post annum Nagasakium translatus, inter tormenta fidem abnegare recusavit atque in colle Nishizaka die 29 Septembris anni 1637, undequadraginta annos natus, obiit. Anno 1987 in Sanctorum numerum relatus est.













