MJ✠

Sancta Maria a Sancto Iusto Moreau

Franciscalis Missionaria Mariae, martyr Taiyuanensis

Religiosa regionis Radesiensis, una ex septem Franciscalibus Missionariis Mariae Taiyuani die 9 Iulii anni 1900 capite truncatis.

Anna Francisca Moreau die 9 Aprilis anni 1866 Rouansii, in dioecesi Namnetensi, nata, Franciscales Missionarias Mariae ingressa est sub nomine Mariae a Sancto Iusto. Ex septem religiosis fuit quas mater Maria a Passione Gregorio Fogolla episcopo pro vicariatu Shanxiensi Septentrionali commisit: Massilia die 12 Martii anni 1899 profectae, die 4 Maii Taiyuanum advenerunt ibique orphanotrophium puellarum derelictarum, valetudinarium et catechesim curaverunt.

Ineunte mense Iulio anni 1900, seditione Boxerorum, cum sociis comprehensa, die 9 Iulii ante tribunal Yuxian praesidis, hymno Te Deum cantato, capite truncata est. Anno 1946 Beata renuntiata, die 1 Octobris anni 2000 in Sanctorum numerum relata est. Paroecia quae ab anno 2002 Rouans et septem vicinos pagos complectitur eius nomen fert: Sainte-Anne-Françoise-en-Retz.