Effigies: Sanctus Franciscus Díaz del Rincón

Franciscus Díaz del Rincón

Sanctus Franciscus Díaz del Rincón

Dominicanus, martyr Fuzhouensis

Natu minimus inter Dominicanos martyres Fuzhouenses: viginti quinque annos natus in Sinas perveniens, anno 1748 post duos annos captivitatis in carcere strangulatus est.

Anno 1713 Astigi in Baetica natus, Franciscus Díaz del Rincón anno 1730 conventum Dominicanum urbis suae natalis ingressus est. Morbus oculorum eum impedivit ne integrum studiorum cursum perficeret, et theologiae moralis tantum studuit. Anno 1736 Manilam profectus, ibi institutionem suam absolvit et sacerdotium accepit, deinde anno 1738 per Macaum Sinas petiit.

In Fukiena clam apud christianos ministerium exercuit una cum Petro Sanz eiusque sodalibus. Anno 1746 comprehensus, tortus et per duos annos Fuzhou in carcere detentus est, ubi die 28 Octobris anni 1748, triginta quinque annos natus, strangulatus est. Leo XIII eum anno 1893 beatificavit; die 1 Octobris anni 2000 sanctus renuntiatus est.