
Sancta Maria Dominica Mantovani
Confundatrix Parvularum Sororum a Sacra Familia
Rustica ad ripas lacus Benaci, beati Iosephi Nascimbeni adiutrix, confundatrix et prima superiorissa Parvularum Sororum a Sacra Familia fuit.
Die 12 Novembris anni 1862 in loco Castelletto di Brenzone, in orientali ripa lacus Benaci, nata, Maria Dominica Mantovani in familia agricolarum fidelium crevit. Sub ductu parochi sui, beati Iosephi Nascimbeni, catechesi, aegrotorum visitationi et puellarum paroeciae comitatui se devovit.
Die 6 Novembris anni 1892 cum eo institutum Parvularum Sororum a Sacra Familia condidit, cuius prima superiorissa generalis usque ad mortem fuit. Religiosae, ad exemplar domus Nazarethanae, paroeciis, scholis infantium, aegrotis et senibus serviunt, et multas domos in Italia ac deinde extra eam aperuerunt.
Castelletti die 2 Februarii anni 1934 obiit. Ioannes Paulus II eam anno 2003 Beatam renuntiavit et Franciscus Papa die 15 Maii anni 2022 in Sanctorum numerum rettulit.






