Filia a Caritate Mettis nata, valetudinarii Aquensis superiorissa, die 9 Aprilis anni 1794 securi gallica necata quod iusiurandum rerum novarum praestare noluit; Aquis anno 2011 Beata renuntiata.
Margarita Rutan Mettis die 23 Aprilis anni 1736 nata est. Anno 1757 Filias a Caritate ingressa, in pluribus valetudinariis servivit, ubi optimam se ordinatricem praebuit. Anno 1779 Aquas Tarbellicas missa est ad valetudinarium Sancti Eutropii aperiendum et regendum, quod per quindecim annos pauperibus aegrotis serviens gubernavit.
Gallica rerum conversione, iusiurandum a religiosis exactum recusavit et aegrotos curare perrexit, sed die 24 Decembris anni 1793 comprehensa est, incivismi et fanatismi accusata. A commissione extraordinaria damnata, in foro Poyanne, Aquis, die 9 Aprilis anni 1794 securi gallica necata est. In amphitheatro Aquensi die 19 Iunii anni 2011 ab Angelo cardinali Amato, nomine Benedicti XVI, Beata renuntiata est.













