Effigies: Beatus Mannes de Guzmán

Mannes Guzman

Beatus Mannes de Guzmán

Dominicanus, frater sancti Dominici

Frater natu maior sancti Dominici et unus e primis eius sociis, conventum Parisiensem condidit et monialium Dominicanarum Matritensium consiliarius fuit.

Filius Felicis de Guzmán et Ioannae de Aza, Mannes Calarogae aliquot annis ante fratrem suum Dominicum natus est. Sacerdos, eum in Septimaniam secutus est et inter sedecim primos fratres fuit Tolosae et Pruliani anno 1216 congregatos.

Anno 1217 Dominicus eum cum aliquot fratribus misit ad conventum Parisiensem condendum, circa sacellum Sancti Iacobi. Postea monialium Dominicanarum Matritensium curam suscepit, ad quas Dominicus epistulam misit quae servatur, eisque diu prudens consiliarius fuit. Martyrologium Romanum eius vitae sanctitatem et adiumentum ad Ordinem propagandum celebrat.

Circa annum 1235 obiit et Gumieli de Izán sepultus est. Gregorius XVI cultum eius anno 1834 confirmavit, et die 30 Iulii commemoratur.