Effigies: Beata Ludovica a Sabaudia

Ludovica a Sabaudia

Beata Ludovica a Sabaudia

Princeps et Clarissa

Filia beati Amedei IX ducis Sabaudiae, domina Nozeretensis, vidua Clarissas Urbigenses ingressa est, ubi in paupertate et humilitate vixit.

Genavae nata, filia Amedei IX ducis Sabaudiae et Iolandae Gallicae, Ludovica anno 1479 Hugoni de Chalon, domino de Château-Guyon et Nozereti, in Comitatu Burgundiae, nupsit. Coniuges vitam christianam exemplarem egerunt; Ludovica aegrotos visitabat et aulam suam domum orationis fecit.

Anno 1490 vidua et sine liberis, bona sua distribuit et anno 1492 monasterium Clarissarum Colettinarum Urbigense, in regione Valdensi, ingressa est, ubi undecim annos in humilitate et paupertate vixit. Ibi die 24 Iulii anni 1503 obiit. Tempore Reformationis reliquiae eius Nozeretum translatae sunt, ubi colebantur donec saeculo XIX Augustam Taurinorum transferrentur. Gregorius XVI cultum eius anno 1839 confirmavit.