Novem sacerdotes Salesiani Poloni Osvetimi et in aliis campis nazisticis necati, Cracoviae anno 2026 beati declarati.
Ioannes Świerc, anno 1877 in Królewska Huta (Chorzovia), in Silesia Superiore, natus, Augustam Taurinorum apud Salesianos studiorum causa proficiscitur ibique anno 1903 sacerdos ordinatur. In Galiciam reversus, institutum Salesianum Osvetimense ac deinde alias domos educationis regit, opera Kielciae et Leopoli aperit et ecclesiam Sancti Ioseph Premisliae perficit. Anno 1938 parochus paroeciae Salesianae de Dębniki, Cracoviae, fit.
Die 23 maii 1941 a Gestapo cum aliis Salesianis de Dębniki comprehensus, Osvetimum deportatur, ubi die 27 iunii 1941, post paucos dies laboris coacti in glareae fodina, a capone ad mortem verberatur.
Cum eo martyres agnoscuntur octo alii Salesiani annis 1941 et 1942 in campis mortui: Ignatius Antonowicz, Ignatius Dobiasz, Carolus Golda, Franciscus Harazim, Franciscus Miśka, Ludovicus Mroczek, Vladimirus Szembek et Casimirus Wojciechowski. Die 6 iunii 2026 in sanctuario Sancti Ioannis Pauli II Cracoviensi beati declarantur.











