JB✠

Sanctus Iacobus Buuzabalyawo

Martyr Ugandensis, musicus symphoniae regiae

Andreae Kaggwa discipulus et unus e ducibus symphoniae regiae, ab ipso Mwanga in domo magistri sui comprehensus est.

Circa annum 1860 Ggoli, in Mawokota, e gente Ngeye natus, Iacobus Buuzabalyawo a cognata ad aulam Mutesae I adducitur. Caelibatu missionariorum et exemplo Iosephi Mukasa et Andreae Kaggwa commotus, post Mutesae mortem apud hunc vivit, in fide instituitur et unus e ducibus symphoniae regiae fit; Kaggwa eum etiam mittit ut Mwangam principem catechismum doceat. Mense novembri 1885 baptizatur.

Vesperi diei 25 maii 1886, postquam Dionysium Ssebuggwawo percusserat, Mwanga domum Kaggwae petit, ibi Iacobum invenit eumque, quia christianus est, comprehendi iubet. Mengum ac deinde Namugongum abductus, die 3 iunii 1886 vivus crematur, circiter viginti sex annos natus.