Effigies: Beatus Hermannus Lange

Beatus Hermannus Lange

Martyr Lubecensis

Vicarius Lubecensis, vir doctus et severus iuvenumque confessarius, persuasum habens christianum Nationalsocialismo servire non posse, anno 1943 securi gallica necatus.

Anno 1912 Lerae, in Frisia Orientali, natus, filius magistri artis navigandi, Hermannus Lange theologiam Monasterii studuit et Osnabrugae anno 1938 sacerdos ordinatus est. Anno sequenti vicarius ad Sacratissimum Cor Lubecae nominatus, ibi coetus iuvenum moderatus est, propter cogitationis severitatem et curam quaestionum militum et iuvenum ad militiam vocatorum valde acceptus.

Palam affirmavit christianum bello Nationalsocialistico salva conscientia interesse non posse, et sermones Clementis Augusti von Galen episcopi diffundendos curavit. Mense Iunio anni 1942 comprehensus et cum Ioanne Prassek, Eduardo Müller et Carolo Stellbrink pastore capite damnatus, ante mortem parentibus epistulam valedictoriam fiduciae plenam scripsit. Hamburgi die 10 Novembris anni 1943 securi gallica necatus et Lubecae anno 2011 beatificatus est.