
Felix Valesius
Sanctus Felix Valesius
Ordinis Sanctissimae Trinitatis confundator
Eremita silvae Cervifrigidae, Ioannem de Matha excepit et cum eo Ordinem Sanctissimae Trinitatis pro redemptione captivorum condidit.
Vita Felicis solummodo seris sui ordinis traditionibus innotescit. Eremita Cervifrigidi, in finibus Valesii et Briae, multos annos vitam orationis et paenitentiae ibi duxisse fertur, cum Ioannes de Matha, iuvenis doctor Parisiensis, ad eum se contulit.
Una Cervifrigidi primam domum Ordinis Sanctissimae Trinitatis et Captivorum condunt, anno 1198 approbati. Dum Ioannes Romam proficiscitur, Felix domum principem et prima in Gallia instituta regit. Cervifrigidi anno 1212 obiit. Cultus eius una cum cultu Ioannis de Matha anno 1666 confirmatus est; eius historica veritas, a viris doctis disputata, effecit ut festum eius anno 1969 e Calendario universali removeretur, sed in Martyrologio Romano manet inscriptus.





