Effigies: Venerabilis Servus Dei Carolus Crespi

Carlo Crespi Croci

Venerabilis Servus Dei Carolus Crespi

Pauperum Conchensium apostolus

Salesianus Langobardus, rerum naturalium investigator, musicus et cinematographus, sexaginta annos in Aequatoria missionarius, scholarum et mensarum pro pueris pauperibus Conchensibus conditor, quem Concha civem suum saeculi XX clarissimum declaravit.

Die 29 Maii anni 1891 Legnani natus, tertius e tredecim liberis agricolae, Carolus Crespi Salesianos ingressus est et anno 1917 sacerdos ordinatus. Anno 1921 Patavii in scientiis naturalibus laurea donatus, statim postea diploma clavicymbali et compositionis musicae adeptus est. In Aequatoriam missus, primum inter Shuar Amazoniae vixit; eius pellicula Los invencibles shuaras del Alto Amazonas (1926) inter prima documentaria eius regionis numeratur.

Conchae commoratus, ibi scholas primarias et technicas, officinas et refectoria pro pueris pauperibus condidit, anno 1940 facultatem scientiarum educationis instituit et amplam collectionem archaeologicam congessit, partim Argentariae Centrali Aequatoriae anno 1978 cessam.

Conchae die 30 Aprilis anni 1982 obiit. Eius causa Conchae anno 2006 aperta est et Franciscus papa die 23 Martii anni 2023 eius virtutes heroicas agnovit. Inde a mense Ianuario anni 2026 eius exuviae in sacello prope sanctuarium Mariae Auxiliatricis Conchense requiescunt; forum urbis eius statuam habet, puero ei adstante.