Aurelius, Sabigotho (Natalia), Felix, Liliosa et Georgius
Sancti Aurelius, Sabigotho et Socii
Coniuges martyres Cordubenses
Duo coniugia Cordubensia, Aurelius et Sabigotho (Natalia), Felix et Liliosa, christiani in familiis Mahometanis nati, anno 852 cum Georgio, monacho ex Palaestina adveniente, capite plexi.
Aurelius, patre Mahometano natus, et uxor eius Sabigotho, etiam Natalia appellata, parentibus Mahometanis orta, fidem christianam clam colunt. Propinqui eorum Felix et Liliosa in eadem condicione versantur. Conspectu mercatoris christiani ob fidem publice flagellati commoti, latere amplius nolunt, filias suas monasterio Tabanensi committunt et se ad martyrium praeparant.
Georgius, monachus monasterii Sancti Sabae prope Hierosolymam, qui in Hispaniam stipem collecturus venerat, eis se adiungit. Omnes quinque comprehensi, abiurare recusant et die 27 Iulii anni 852 capite plectuntur. Anno 858 duo monachi Sancti Germani a Pratis, Usuardus et Odilardus, reliquias Georgii, Aurelii et Nataliae Lutetiam afferunt, et Eulogii narratio eorum passionem in Gallia notam facit.

















