Alphonsus Pacheco
Beatus Alphonsus Pacheco
Iesuita Hispanus, martyr Cuncolimensis
Iesuita Castellanus, collegii Racholensis rector, Cuncolimi anno 1583 cum Rodulpho Acquaviva et tribus aliis sociis interfectus.
Circa annum 1551 Minayae in Castella natus, Alphonsus Pacheco die 8 Septembris anni 1567 Societatem Iesu ingreditur. Goam mense Septembri anni 1574 advectus, tanta prudentia enitet ut Superiores eum anno 1578 in Europam pro negotiis missionis mittant. In Indiam anno 1581 reversus, rector collegii Racholensis in paeninsula Salcete fit.
Duas expeditiones Lusitanas contra Cuncolim, pagum hinduismo addictum ac rebellem, comitatur et in eius templis diruendis partem habet. Die 15 Iulii anni 1583 Cuncolim redit cum Rodulpho Acquaviva, Petro Berno, Antonio Francisco, fratre Francisco Aranha et christianis indigenis, ut ibi crucem erigant: pagi incolae eos trucidant. Anno 1893 cum quattuor sociis Iesuitis beatificatus, Goae die 27 Iulii celebratur.
















