Sacerdos Ligur, archipresbyter Clavarensis, deinde episcopus Bobiensis, Filias Mariae Sanctissimae ab Horto, «Gianellinas», educationi et aegrotorum curae addictas condidit.
Antonius Maria Gianelli anno 1789 Ceretae, in vico Carri, in regione interiore Spediae, ex familia rustica nascitur. A benefactrice adiutus, in seminario Genuensi studet et anno 1812 sacerdos ordinatur. Professor, missionum praedicator, anno 1826 archipresbyter Clavarensis nominatur.
Ibi anno 1827 congregationem sacerdotum missionariorum condit, Missionarios Sancti Alfonsi de Liguori, deinde anno 1829 Filias Mariae Sanctissimae ab Horto, a sanctuario Mariali Clavarensi nominatas, ad puellas pauperes erudiendas et aegrotos curandos. Anno 1838 episcopus Bobiensis nominatus, dioecesim, clerum et seminarium reformat. Placentiae die 7 Iunii anni 1846 obit. Pius XII eum anno 1951 in Sanctorum numerum refert.







