MT✠

Sancti martyres Thebaidis

Martyres Aegypti Superioris

Plurimi christiani Aegypti Superioris in persecutionibus mortui, quos carnifices lente necabant ut eorum martyrii desiderium frangerent.

Martyrologium Romanum die 28 Iulii memoriam agit «plurimorum martyrum qui in Thebaide in persecutionibus Decii et Valeriani passi sunt»: cum christianos gladio feriri cupere viderent, inimici eorum lenta supplicia excogitabant, ut eis mortem optare facerent, non vero darent.

Eusebius Caesariensis, magnae persecutionis Diocletiani in Thebaide testis oculatus, similia describit: christianos testis laceratos, mulieres uno pede suspensas, damnatos multis decuriis uno die necatos donec gladii hebescerent, et fideles qui, vix sententia contra alios lata, ad tribunal accurrebant ut se christianos profiterentur.