Effigies: Sanctus Aloisius Scrosoppi

Aloisius Scrosoppi

Sanctus Aloisius Scrosoppi

Oratorianus, conditor Sororum a Providentia Utinensium

Presbyter Utinensis, vitam et bona sua puellis orphanis et derelictis devovit, Sorores a Providentia condidit et Oratorium sancti Philippi Nerii in urbe sua restituit.

Aloisius Scrosoppi Utini anno 1804 natus est. Anno 1827 sacerdos ordinatus, fratri suo Carolo in Casa delle Derelitte, domo receptionis puellarum pauperum et orphanarum Utinensium, se adiunxit, cuius moderationem suscepit. Eius victui providit, nova aedificia exstruxit et magistras ibi instituit.

Anno 1837 educatrices operis in congregationem coegit, Sorores a Providentia, sub patrocinio sancti Caietani Thienaei positas, quae deinde alias domos pro puellis, surdis mutis et aegrotis aperuerunt. Anno 1846 Oratorium sancti Philippi Nerii ingressus, eius praepositus factus est et opus contra leges novae Civitatis Italicae de bonis religiosis supprimendis defendit. Utini die 3 Aprilis anni 1884 obiit; Ioannes Paulus II eum anno 2001 in Sanctorum numerum rettulit.