Sacerdos educator Vicentinus, pro puellis pauperibus Sorores Magistras a Sancta Dorothea, Filias Sacrorum Cordium, condidit, deinde episcopus Tarvisinus et Vicentinus fuit.
Ioannes Antonius Farina anno 1803 Gambellarae, prope Vicentiam, nascitur. Anno 1827 sacerdos ordinatus, in seminario et in scholis publicis Vicentinis docet et anno 1831 primam scholam popularem pro puellis pauperibus urbis aperit. Ut eius futurum in tuto ponat, anno 1836 Sorores Magistras a Sancta Dorothea, Filias Sacrorum Cordium, condit, educationi deditas, deinde aegrotis, surdis mutisque puellis et caecis curandis.
Anno 1850 episcopus Tarvisinus, deinde anno 1860 Vicentinus, omnes paroecias suas visitat, cleri institutionem reformat et opera pro pauperibus multiplicat; Concilio Vaticano I interest. Vicentiae die 4 martii 1888 moritur. Ioannes Paulus II eum anno 2001 beatum declarat et Franciscus papa anno 2014 in sanctorum numerum refert.








