
Firminus Ambianensis
Sanctus Firminus Ambianensis
Primus episcopus Ambianensis, martyr
Pompaelone natus, missionarius in Gallia, primus episcopus Ambianensis, in carcere capite plexus; patronus quoque est Navarrae et festorum Sancti Firmini.
Secundum Passionem eius Firminus filius erat senatoris Pompaelonensis ab Honesto presbytero, sancti Saturnini Tolosani discipulo, conversi. Tolosae episcopus ordinatus, Evangelium in Gallia praedicavit, in Arvernis, in Andegavis et Bellovaci, deinde Ambiani consedit, ubi multos incolas convertit.
Iussu praesidum Romanorum comprehensus, circa annum 303 clam in carcere capite plexus est. Sepulcrum eius, saeculo VI a sancto Salvio repertum, originem dedit cultui quo patronus Ambianensis habetur: porta septentrionalis frontis ecclesiae cathedralis ei dicata est. Pompaelo, urbs eius natalis, eum quotannis die 7 Iulii in festis Sancti Firmini celebrat.









