Episcopus Ancyranus cuius Passio iterata per longos annos tormenta refert, ineunte saeculo IV cum socio suo Agathangelo martyrio coronatus.
Ex eius Passione, valde amplificata et magna ex parte fabulosa, Clemens, episcopus Ancyrae in Galatia, saepius in persecutionibus exeuntis saeculi III et ineuntis IV comprehenditur et per longos annos iterata tormenta perfert. Agathangelus, eius constantia conversus, deinceps eius aerumnas participat.
Ancyram reversi, morte afficiuntur: Agathangelus capite truncatur, et Clemens in ecclesia sua dum sacra mysteria celebrat necatur, circa annum 312. Martyrologium Romanum die 23 Ianuarii memoriam agit «Clementis episcopi et Agathangeli martyrum» Ancyrae.









