Effigies: Sancta Bartholomaea Capitanio

Bartholomaea Capitanio

Sancta Bartholomaea Capitanio

Sororum a Caritate Luerensium conditrix

Iuvenis magistra Luerensis, ad lacum Sebinum, cum Vincentia Gerosa Sorores a Caritate, «a Maria Bambina» dictas, condidit et viginti sex annos nata obiit.

Bartholomaea Capitanio anno 1807 Luere, ad lacum Sebinum, in familia mercatorum nascitur. Apud Clarissas oppidi educata, ibi magistra fit et puellarum educationi se devovet, quas in pias consociationes congregat, simul aegrotos visitans.

Cum Catharina Gerosa, muliere Luerensi provectiore aetate et locuplete, anno 1832 institutum Sororum a Caritate condit, educationi et aegrotorum curae addictum, ad exemplar sancti Vincentii a Paulo. Phthisi correpta, insequenti anno, die 26 Iulii anni 1833, viginti sex annos nata obit; Vincentia Gerosa opus prosequitur. Pius XII eas una anno 1950 in Sanctorum numerum refert.