Nobilis Neapolitanus, Philippi III Hispaniae regis cappellanus, deinde magnus cappellanus regni Siciliae, praelaturam Sanctae Luciae ad Melam ut pastor austerus et liberalis rexit.
Antonius Franco Neapoli die 26 Septembris anni 1585 in nobili familia origine Gallica nascitur. Anno 1602 utriusque iuris doctor, Romae studia prosequitur, deinde rogatu parentum aulam Matritensem petit. Anno 1610 sacerdos ordinatus, insequenti anno cappellanus regius Philippi III fit.
Anno 1616 rex eum magnum cappellanum regni Siciliae nominat, cui muneri praelatura Sanctae Luciae ad Melam, prope Messanam, adnexa est; Paulus V nominationem confirmat et ipse eam anno 1617 capessit. Ibi in paupertate vivit, reditus suos pauperibus distribuit, territorium suum visitat et clerum reformat. Die 2 Septembris anni 1626, quadraginta annos natus, obit. In oppido Sanctae Luciae ad Melam die 2 Septembris anni 2013 beatus declaratur.










