AA✠

Ananias

Sanctus Ananias Arbelensis

Martyr in Perside

Christianus Arbelensis, iussu summi cuiusdam magi sub Sapore II ter flagellatus et nocte insequenti domi suae mortuus.

Persecutio a Sapore II, Persarum rege, excitata Adiabenem graviter afflixit, cuius caput erat Arbela, hodie Erbil: eius episcopus Abraham et multi clerici ac fideles ibi annis circiter 340 mortem obierunt. Ananias unus est ex illis Christianis Arbelensibus quorum memoriam Acta martyrum Persarum servaverunt.

Martyrologium Romanum refert eum, tempore persecutionis iussu archimagi Ardisag comprehensum, ter tanta crudelitate flagellatum esse ut carnifices, mortuum putantes, eum in platea relinquerent; fideles nocte insequenti eum domum suam rettulerunt, ubi spiritum reddidit. Die 22 Novembris commemoratur.