Episcopus Hildesiensis et regis Ludovici Germanici consiliarius, qui circa annum 845 in praediis suis abbatiam canonissarum Essendiensem, oppidi nucleum, condidit, ubi requiescit.
Circa annum 800 ex nobili familia Saxonica natus, fortasse Corbeiae Novae institutus, Altfridus anno 852 episcopus Hildesiensis memoratur. Iam ante episcopatum, circa annum 845, in praedio suo Asnide, ad viam Hellweg, communitatem canonissarum condit: abbatiam Essendiensem, circa quam oppidum crevit. Roma reliquias sanctorum Cosmae et Damiani affert.
Episcopus Hildesiensis, novam ecclesiam cathedralem aedificandam curat et inter consiliarios quibus rex Ludovicus Germanicus libenter aures praebet numeratur. Die 15 Augusti anni 874 moritur et, ut optaverat, in ecclesia abbatiali Essendiensi, hodie cathedrali, sepelitur. Eius cultus anno 1965 a Sede Apostolica confirmatus est; sepulcrum eius Gothicum in crypta cathedralis Essendiensis, quae eius nomen fert, invenitur.










