Figulus pauper et catechista iuxta Matthiam Mulumba, Mityanae lancea interfectus et canibus obiectus est.
Circa annum 1851 in Nkazibukulu, in regione Singo, ex gente Ngabi natus, Noe Mawaggali figulus erat in servitio praefecti comitatus Singo; formas Arabicas et Europaeas imitabatur, pocula, catinos, vasa theae, et etiam corium tractabat, sed pauper manebat. Die 1 Novembris anni 1885 baptizatus, amicum suum Matthiam Mulumba in catechesi tradenda Mityanae adiuvit, ubi cum matre et sorore Mathilde Munaku vivebat.
Cum persecutio regionem Singo attigisset, manus ad christianos comprehendendos missa eum domi mane diei 31 Maii anni 1886 invenit: lancea transfixus, arbori alligatus est ubi canes eum dilaniaverunt, et corpus eius in compito proiectum est ut christianos terreret.



