
Rustica Guayasensis, sartrix Guayaquili facta, in saeculo vitam orationis et paenitentiae duxit; exuviae eius Noboli, in vico natali, quiescunt.
Filia agricolarum Nobolensium, mature orba, Narcissa Martillo artem suendi didicit et circa annum 1851 Guayaquilum profecta est. Ibi labore suo pauperrime vixit, tempus inter orationem, paenitentiam, puerorum catechesim et aegrotorum curam partiens.
Anno 1868 Limam petiit et ut laica in conventu Dominicano a Patrocinio vixit, ubi die 8 Decembris anni 1869 obiit. Exuviae eius in Aequatoriam relatae in sanctuario Nobolensi quiescunt, quod inter praecipuas nationis peregrinationes numeratur. A Benedicto XVI anno 2008 in Sanctorum numerum relata est.


