Effigies: Beata Maria Christophora Klomfass et quattuordecim Sociae

Beata Maria Christophora Klomfass et quattuordecim Sociae

Sorores a Sancta Catharina martyres Varmienses

Quindecim religiosae congregationis Sanctae Catharinae, anno 1945, Exercitu Rubro Varmiam ingrediente, occisae vel in deportatione mortuae.

Congregatio Sanctae Catharinae virginis et martyris, Brunsbergae anno 1571 a beata Regina Protmann condita, aegrotos curat et pueros Varmiae educat. Mense Ianuario anni 1945, acie appropinquante, multae sorores in valetudinariis et domibus senum manserunt.

Soror Maria Christophora (Martha) Klomfass, infirmaria anno 1903 in loco Rasząg nata, Allensteinii die 22 Ianuarii anni 1945 cum sorore Liberia Domnick occisa est. Aliae Rastemburgi, Heilsbergae vel Wormditti, castitatem suam et aegrotos defendentes, perierunt; plures in castris laboris Sovieticis, quo deportatae erant, defatigatione obierunt.

Quindecim martyres, Germanae et Polonae, die 31 Maii anni 2025 Brunsbergae, ante basilicam Sanctae Catharinae, Beatae renuntiatae sunt: Maria Christophora Klomfass, Liberia Domnick, Mauritia Margenfeld, Leonis Müller, Tiburtia Mischke, Secundina Rautenberg, Adelgardis Bönigk, Aniceta Skibowska, Gebharda Schröter, Sabinella Angrick, Bona Pestka, Gunhildis Steffen, Rolanda Abraham, Caritina et Xaveria Rohwedder.