Effigies: Beata Margarita Maria López de Maturana

Beata Margarita Maria López de Maturana

Conditrix Mercedariarum Missionariarum de Bérriz

Monialis Mercedaria de Bérriz quae monasterium suum clausum in institutum missionale convertit, sorores suas in Asiam et Oceaniam mittens.

Flavioniobrigae (Bilbao) anno 1884 nata, Pilar López de Maturana Ortiz de Zárate a Sororibus Vedrunensibus una cum sorore gemella Leonora educata est. Anno 1903 monasterium Mercedariarum clausarum de Bérriz, in Biscaia, ingressa est sub nomine Margaritae Mariae. Magistra novitiarum, deinde abbatissa, communitati suae ardens desiderium missionale communicavit.

Sancta Sede assentiente, monasterium anno 1930 institutum Mercedariarum Missionariarum de Bérriz factum est. Iam ab anno 1926 sorores in Sinas, in Iaponiam et in insulas Marianas et Carolinas profectae sunt; Margarita Maria ipsa usque in Asiam et Americam iter fecit ut fundationes visitaret. Flavioniobrigae die 23 Iulii anni 1934 obiit et in Bérriz requiescit. Flavioniobrigae die 22 Octobris anni 2006 Beata renuntiata est.