
Iuvenis Salesianus Cracoviensis Osvecimi interfectus quod coronam suam precatoriam calcare recusasset.
Anno 1911 prope Resoviam natus, Iosephus Kowalski apud Salesianos Osvecimenses studuit, congregationem ingressus est et anno 1938 sacerdos ordinatus. Secretarius inspectoris provincialis Cracoviae, etiam iuvenes delinquentes catechizavit et paroeciam Salesianam Dębnicensem animavit.
Die 23 Maii anni 1941 a Gestapo cum aliis Salesianis Dębnicensibus comprehensus, mense Iunio Osvecimum deportatus est. Ibi ministerium suum clam prosecutus est, confessiones audivit, celebravit et cibi portionem suam aliis dedit. Cum coronam suam precatoriam calcare recusasset, turmae disciplinari addictus est.
Ad mortem verberatus, nocte inter diem 3 et 4 Iulii anni 1942 in dolio stercoris submersus est. Varsaviae anno 1999 Beatus renuntiatus est.

















