Effigies: Beatus Georgius Kaszyra

Beatus Georgius Kaszyra

Marianus, martyr Rossitsensis

E familia orthodoxa natus, sacerdos Marianus factus, cum Antonio Leszczewicz ad pagos Rossitsenses evangelizandos profectus est ibique a Germanis postridie quam confrater eius vivus combustus est.

Georgius Kaszyra die 4 Aprilis anni 1904 Aleksandrowo, in regione Vilnensi, e familia orthodoxa natus est; mater eius anno 1907 catholica facta est. Alumnus seminarii minoris Marianorum Druiensis, anno 1926 vota nuncupavit et die 20 Iunii anni 1935 sacerdos ordinatus est. In paroeciis Marianorum Lituaniae et Poloniae ministravit.

Anno 1942 patrem Antonium Leszczewicz Rossitsae, prope Dryssam, adiit ad missionem apud catholicos inde a revolutione sacerdotibus privatos. Durante actione punitiva Germanica mensis Februarii anni 1943 apud fideles mansit; die 18 Februarii, postridie mortem confratris, in domum inclusus est cui ignis iniectus est. Ioannes Paulus II eum Varsaviae die 13 Iunii anni 1999 Beatum renuntiavit.