
Mater familias Episcopaliana ad fidem catholicam conversa, Sororum a Caritate Sancti Ioseph conditrix.
Ex summo ordine societatis Neo-Eboracensis orta, Elisabeth Gulielmo Seton nupsit, ex quo quinque liberos suscepit. Post iter in Italiam vidua facta, ibi fidem catholicam cognovit et anno 1805 conversa est, quod ei suorum inimicitiam conciliavit.
Emmitsburgi constituta, anno 1809 Sorores a Caritate Sancti Ioseph et primam scholam paroecialem catholicam gratuitam in regione condidit. Anno 1975 in Sanctorum numerum relata est.




