Dominicus et Gregorius
Beati Dominicus et Gregorius
Dominicani praedicatores itinerantes
Duo sacerdotes Dominicani conventus Oscensis qui de vico in vicum sine pecunia ibant, praedicantes et panem mendicantes; in montibus mortui, Besiani coluntur.
Martyrologium Romanum in Aragonia memoriam agit beatorum Dominici et Gregorii, presbyterorum Ordinis Praedicatorum, qui «simul sine auro et argento iter faciebant, victum cotidie mendicantes et verbum Dei omnibus annuntiantes». Tantum scitur eos ad conventum Dominicanum Oscensem saeculo XIII pertinuisse.
Ex traditione loci, vehementi tempestate inter Besians et Perarrúa, in Aragonia Superiore, oppressi, sub rupe Sancti Clementis confugiunt ibique moriuntur. Vici vicini de eorum corporibus contendunt, quae mula libere dimissa usque Besians portasse fertur, ubi sepeliuntur. Miracula eorum sepulcro attributa peregrinos eo alliciunt, qui eos contra tempestates invocant. Pius IX eorum cultum anno 1854 confirmat.









