
Dionysius a Nativitate et Redemptus a Cruce
Beati Dionysius a Nativitate et Redemptus a Cruce
Carmelitae Discalceati, martyres Acehenses
Nauta Normannus Goae Carmelita factus et olim miles Lusitanus, frater conversus, a sultano Acehensi necati quia Christum abnegare noluerunt.
Petrus Berthelot, Honflorii anno 1600 natus, inde ab adulescentia maria percurrit et gubernator ac chartographus in servitio regis Lusitaniae in Oceano Indico fit. Anno 1635 Goae Carmelitas Discalceatos nomine Dionysii a Nativitate ingreditur. Thomas Rodrigues da Cunha, Paredibus, in septentrionali Lusitania, anno 1598 natus, olim miles in Indiis, ibi frater conversus est nomine Redempti a Cruce.
Mense Augusto 1638 sacerdos ordinatus, Dionysius statim ut gubernator et cappellanus legationi adiungitur quam prorex Indiarum ad sultanum Acehensem, in septentrionali Sumatra, mittit; Redemptus eum comitatur. Cum advenissent, legationis sodales comprehenduntur et iubentur fidem abnegare. Recusant et alii post alios exeunte mense Novembri 1638 necantur. Leo XIII eos anno 1900 simul beatos declarat.







