Martyr Sirmiensis sub Diocletiano, in Canone Romano Missae nominata et olim in Missa in aurora Nativitatis Domini commemorata.
Anastasia Sirmii, hodie Sremska Mitrovica, persecutione Diocletiani, circa annum 304, martyrium subit. Eius Passio, sera et fabulosa, eam nobilem Romanam fuisse narrat quae Christianos in carcere visitabat; Oriens eam «Pharmacolytriam» appellat, id est a venenis liberatricem.
Eius reliquiae saeculo V Constantinopolim transferuntur; cultus eius Romam pervenit, ubi basilica ei ad radices Palatii dedicatur, nomenque eius in Canonem Romanum inseritur. Summus Pontifex Missam in aurora Nativitatis in eius ecclesia celebrabat, unde festum eius die 25 Decembris. Pars reliquiarum eius Iaderae requiescit, cuius ecclesia cathedralis eius nomen gerit.





